LUSHNJE- Tërmeti që ra mbrëmjen e djeshme në Shqipëri ka shënuar viktimën e tij të parë.
20-vjeçari Daniel Rika, nga Lushnja, humbi jetën ndërsa ra nga shkallët pasi tentoi të largohej nga banesa në momentin kur po ndodhnin lëkundjet sizmike. Ai ra nga shkallët e katit të dytë, dhe fatkeqësisht ndërroi jetë si pasojë e plagëve të marra.
Dyshohet se në panik e sipër 20-vjeçari është rrëzuar nga shkallët, ndërkohë që dëmtimi i tij ka rezultuar fatal. Mësohet se 20-vjeçari ka qenë në gjumë në momentin e lëkundjeve, ndërsa në banesë jetonte me prindërit e tij.
Të afërm të viktimës kanë folur për mediat, duke thënë se i riu vuante nga sëmundje të shëndetit mendor.
“Nipi ka qenë i sëmurë. Mesa mora vesh unë është trembur është çuar dhe ka rënë dhe ka vdekur. Nuk e di se si ka rënë. Unë tani erdha në spital sepse isha te shtëpia dhe më thanë që e ka marrë ambulanca dhe e ka prurë. Ka qenë i vdekur kur e kanë sjellë në spital. Ai ishte i sëmurë, ka qenë shtruar”, tha një i afërmi i viktimës për mediat lokale.
Ndërkohë që policia në njoftimin e dhënë për mediat, deklaron se i riu ka ndërruar jetë për shkaqe natyrale në dhomën e tij.
Trupi i pajetë i të riut është dërguar në morgun e spitalit të Lushnjes ku pritet t’i ushtrohet një ekspertize mjeko-ligjore. Pak pas mesnate mbrëmjen e djeshmje lëkundje tërmeti u ndjenë në disa qytete të vendit.
-
Tërmet në Shqipëri, epiqendra në Dushk
14 Janar, 00:24
Sipas Institutit të Gjeoshkencës tërmeti me magnitudë 4.3 i shkallë rihter dhe thellësi 20.8 km ka pasur epiqendrën në fshatin Shalës të Elbasanit.
Tërmeti është ndjerë edhe në qytete të tjera si Tiranë, Lushnje, Durrës, Berat, Fier.
/ZËRI
