BRITANI E MADHE- Shqiptari Isak Buna i ka shpëtuar ekstradimit në Shqipëri. I riu, 29-vjeçar, shkaktoi terror me një pushkë të llojit AK-47, por i ka shpëtuar ekstradimit nga një vakum që ka gjetur në ligj.
Isak Buna, 29 vjeç, plagosi një burrë me një plumb rikoshet pasi qëlloi me armë zjarri në ajër gjatë një sherri. Sipas "The Sun", ai i tha personit që kishte përballë: Mos u shqetëso, tani do e marrësh vesh se kush jam unë. Do të të ***** ty dhe gjithë familjen tënde.
Ngjarja ka ndodhur në vitin 2013 në Zenisht të Shqipërisë, ku u dënua për kërcënim dhe armëmbajtje pa leje. Ai u dënua me 5.4 vite burg por u arratis për në Londër. Për shkak se kërkohej në Shqipëri, ai u arrestua në Angli, por në një mënyrë, atij iu ndalua ekstradimi. Avokatët e tij thanë në Gjykatë se dënimi ishte parashkruar.
Home Office nuk e zbuloi nëse Buna ishte ende në proces kërkimi azili apo i ishte dhënë leje për të qëndruar./ZËRI
