TIRANË- Tre anëtarë të Bandës së Cërrikut Meti Bozi, Roland Sota (Xhepexhiu) dhe Arjan Toska, janë dënuar me burgim të përjetshëm. Vendimi është marrë sot nga Gjykata e Posaçme e Apelit. Edhe për gjashtë anëtarët e tjerë të grupit, është lënë në fuqi vendimi i dhënë nga Gjykata e Shkallës së Parë.
Në qershor të këtij viti, Gjykata e Lartë vendosi që të kthejë për rigjykim në Apelin e Posaçëm, dosjen penale kundër 9 të pandehurve që njihen në publik si banda e Cërrikut. Kjo ka qenë një prej dosjeve më të bujshme që u hetua disa vite më parë nga dy prokurorët e Krimeve të Rënda, Adnand Xholi dhe Anton Martini, të cilët urdhëruan arrestimin e 9 personave, mes të cilëve dhe ish-kryetarin e Komitetit të Shpëtimit në Cërrik, Llazar Bicja.
Bicja, cilësohej nga hetimi i prokurorisë si njëri nga personat që 27 vite më parë, në muajin Maj 1997 kishte organizuar pritën e armatosur dhe vrasjen e 5 gardistëve Besnik Sula, Halit Haxhia, Bashkim Mnella, Sali Martini, Petrit Ndoi si dhe plagosjen e disa efektivëve të tjerë.
DËNIMET NË SHKALLË TË PARË
Meti Bozi, i dënuar me burgim të përjetshëm për 6 vrasje dhe 16 plagosje të policëve
Arjan Toska, i dënuar me burgim të përjetshëm për 5 vrasje dhe 16 plagosje të policëve
Roland Xhepexhiu, i dënuar me burgim të përjetshëm për 5 vrasje dhe 16 plagosje të policëve
Tomor Buzani, i dënuar me 23 vite burg për 5 vrasje dhe 16 plagosje të policëve
Llazar Bicja, i dënuar me 22 vjet burg për për 5 vrasje dhe 16 plagosje të policëve
Alban Toska, i dënuar me 22 vjet burg për për 5 vrasje dhe 16 plagosje të policëve
Entel Gashi, i dënuar me 22 vjet burg për 5 vrasje dhe 16 plagosje të policëve
Skëndër Cano, i dënuar me 21 vjet burg për një vrasje dhe 16 plagosje
Bujar Buzani - I penduar, 23 vjet burg, dënimi ulet në 8 vjet burg
VIKTIMAT NË MASAKRËN E CËRRIKUT, efektivë të Gardës së Republikës:
Besnik Sula
Halit Haxhia
Bashkim Mnella
Sali Martini
Qemal Mehmeti
Petrit Ndoi
Të plagosurit në masakrën e Cërrikut:
Gjergj Gjoka
Ded Margjoka
Ferd Laska
Pjeter Nikolli
Petrit Guda
Agron Kuliçaj
Pashk Ndreca
Dritan Hasa
Agim Biberi
Paulin Ndoka
Petrit Nikolli
Luan Prenga
Fari Metaliaj
Petrit Gjoka
Pashk Doda
Sokol Kuça
