TIRANË- Fermerët që duan të përfitojnë nga subvecionet nga shteti mund të bëjnë aplikimet online duke nisur nga dita e hënë përmes portalit e-Albania. Ministria e Bujqësisë dhe Agjencia për Zhvillim Bujqësor dhe Rural informuan se aplikimet për Skemën Kombëtare të Mbështetjes në Bujqësi për vitin 2025, hapen më 14 prill dhe portali do të qëndrojë i hapur deri më 30 maj.
Në skemë përfshihen 8 masa mbështetje, disa prej tyre janë;
-Mbështetje për tufën bazë të matrikulluar të gjedheve;
-Financim për tufën bazë të matrikulluar të të imtave;
-Mbarështim i bletarisë;
-Subvencion për fara e fidanë;
-Subvencion për kultivimin e bimëve mjekësore e aromatike
Nëse fermerët janë të paqartë, ata mund të drejtohen pranë Agropikave dhe zyrave rajonale, ku specialistët do t’i asistojnë gjatë gjithë procesit të aplikimit./ZËRI
