TIRANË- Një 26-vjeçar është plagosur me mjet prerës mbrëmjen e të dielës në zonën e ish-Parkut në Tiranë. Sipas njoftimit të Policisë, ngjarja ka ndodhur në zonën e ish-Parkut të Autobusëve në Tiranë, pas një konflikti mes dy personave për motive të dobëta.
Policia bën me dije se autori i dyshuar i plagosjes, 53-vjeçari Eduard Pelushi (Selmani), është arrestuar menjëherë pas ngjarjes. Ndëkorhë, i plagosuri Fabian Pitani është dërguar në spital, ku ndodhet jashtë rrezikut për jetën.
Njoftimi i policisë
Tiranë/Informacion paraprak
Më datë 06.09.2026, rreth orës 19:45, tek ish-Parku, dyshohet se gjatë një konflikti për motive të dobëta, është goditur me mjet prerës shtetasi F. P., 26 vjeç, i cili ndodhet në spital, jashtë rrezikut për jetën.
Pas marrjes së njoftimit, shërbimet e Komisariatit të Policisë Nr. 2 kanë mbërritur në vendngjarje dhe, në vijim të veprimeve të para hetimore, kanë bërë të mundur identifikimin dhe shoqërimin e shtetasit E. P. (S.), 53 vjeç, i dyshuar si autor i rastit.
Grupi hetimor vijon veprimet procedurale dhe hetimore për sqarimin e plotë të rrethanave të konfliktit, dokumentimin e tij dhe përcaktimin e përgjegjësisë ligjore.
