ITALI- 9 milionë euro në vit do t’i kushtojë Italisë akomodimi i policëve italianë në Shqipëri, të cilët do të jenë në gadishmëri dhe të punësuar për ruajtjen dhe sigurinë e kampit të emigrantëve në Gajdër, Shëngjin. Corriere Della Sera shkruan se efektivët italianë do të akomodohen tek Raffaello Resort, një resort me 4 ose 5 yje, me dalje në det, pishinë dhe spa. Hoteli ka gjithashtu plazh privat, për policët e përfshirë në shërbimet e sigurisë në dy qendrat e emigrantëve italianë në Shqipëri, në Shëngjin dhe Gjadër.
Raffaello Resort në Shëngjin do të vërë në dispozicion të agjentëve italianë dy struktura për shërbimin e survejimit në qendrat e emigrantëve. Një hotel me katër ose pesë yje, gjithashtu me plazh privat, për policët e përfshirë në shërbimet e sigurisë në dy qendrat e emigrantëve italianë në Shqipëri, në Shëngjin dhe Gjadër.
Kështu parashikon Ministria e Brendshme që të akomodohen 295 agjentët e forcave të ndryshme policore si pjesë e shërbimeve të lidhura me një shpenzim total vjetor prej 9 milionë eurosh. Në praktikë çdo operacion sigurie do të kushtojë 80 euro në ditë. Nga ajo që del nga dokumentet e Departamentit të Sigurisë Publike të parë nga agjencia LaPresse, bëhet fjalë për dhënien e një kontrate për «një shërbim akomodimi në dhoma hoteli teke me katering dhe shërbime të ngjashme për një kohëzgjatje prej dymbëdhjetë muajsh për një shpenzim maksimal të vlerësuar. me 8 897 200 euro.
Bazuar në këtë marrëveshje, Raffaello Resort e Shëngjinit do të vërë në dispozicion dy struktura, Raffaello Executive dhe Hotel Comfort, të dyja në det me spa, pishinë dhe restorant. Me pak fjalë, ushqimi dhe akomodimi i personelit të sigurisë italiane do të sigurohet në këto dy komplekse turistike në bregdet. Gjithashtu parashikohet përdorimi i restorantit Comfort a Family. Protokolli përfshin edhe një hotel tjetër, i cili mund të përdoret pas një inspektimi në përfundim të punimeve të ndërtimit.
Ditët e fundit, përveç polemikave lidhur me vendimet e gjyqtarëve të gjykatës civile të Romës për mosnjohjen e transferimit të emigrantëve nga vendet e sigurta në Shqipëri me urdhër për lirimin e tyre në liri, ka pasur edhe nga disa sindikatat e policisë për strehimin e ofruar për oficerët e përfshirë në udhëtimin drejt Shqipërisë.
“Nga agjencia e lajmeve LaPresse mësojmë se qeveria Meloni synon të shpenzojë 9 milionë në vit për të pritur agjentë të përfshirë në operacionin propagandistik në Shqipëri në disa resorte. Forcat e Policisë kanë nevojë për shumë më tepër, përkatësisht rritje pagash, pajisje teknike, zgjerim të fuqisë punëtore,”- thotë Alfonso Coluçi, drejtues i grupit M5S në komisionin e Çështjeve Kushtetuese.
“Qytetarët,” - vazhdon ai – “kërkojnë më shumë siguri dhe ligjshmëri, nuk meritojnë të paguajnë për filmat dokumentarë të qeverisë, ndërkohë që në të njëjtën kohë u shkurtohen shërbimet thelbësore dhe vendosen taksa të reja. Si M5S kemi thënë gjithmonë se ky operacion në Shqipëri do të ishte një dështim dhe një humbje e burimeve ekonomike. Tashmë qytetarët italianë kanë prova për këtë dhe është e rëndë që këtë dështim e mbajnë italianët të cilëve u kërkohet të bëjnë sakrifica me këtë ligj buxhetor plot lot e gjak. I kërkojmë ministrit Piantedosi të sqarojë këtë çështje”.
