Droga e kapur në makinën e shqiptarit
SELANIK – Një 31-vjeçar shqiptar u arrestua në Selanik të Greqisë, pasi u kap duke transportuar me makinë mbi 42 kilogramë lëndë narkotike.
Juxhin Lumani me origjinë nga Korça është shqiptari i prangosur nga policia e vendit fqinj.
Siç njoftojnë mediat greke, Lumani kishte marrë një automjet me qira, me anë të së cilit bënte transportin e marijuanës.
Policia, gjatë kontrollit të mjetit, ka gjetur dy çanta të mëdha, që në total mbanin 42 kilogramë e 700 gramë drogë.
Efektivët kontrolluan edhe banesat ku jetonte shqiptari. Policia sekuestroi dhe disa doza kanabisi në shtëpinë e të riut nga Shqipëria./Zëri.ai/
Poll
