TIRANË- Gjatë mbledhjes së sotme Komisioni për Ekonominë dhe Financat miratoi çdo nen të Buxhetit të vitit 2025. Pas votimit, buxheti do të kaloj për miratim në seancën e radhëes plenare që do të mbahet më datë 3 dhjetor. Po ashtu, buxheti u kalua edhe në komisionet e tjera, teksa u miratuan edhe shtetast ekonomike të kërkuara nga instuticionet.
SHTESAT E BUXHETIT PËR VITIN 2025 PËR INSTITUCIONET:
Kuvendi 160 mln lekë
SHISH 50 mln lekë
RTSH 100 mln për diasporën, filmin etj
ATSH 6 mln për ruajtjen
Qendra Kombëtare e Kinematografisë 1 punonjës dhe 1 mln lekë
Arkiva 30 mln
KLSH 10 mln lekë
INSTAT 6 punonjës, 60 mln lekë shpenzime
Magjistratura, 1 punonjës, 6.1 mln lekë
KLGJ 500 mln leke
ILD 27.5 mln lekë
SPAK 200 mln lekë
KPP 8.8 mln lekë
Komisioneri për mbrojtjen nga Diskriminimi 1 mln
Komisioneri i Informimi 8 mln lekë
AIDSSH 8 mln lekë
KQZ 134 mln për ruajtjen e pamjeve filmike, 56 mln lekë për funksionimin institucionit për zgjedhjet, 500 mln lekë shtesë fond për zgjedhje
Shtohen shpenzimet për fondin rezervë të shtetit 500 mln lekë
Gjykata Kushtetuese, 5 punonjës 12 mln lekë
KPK dhe Komisioneri Publik, 32 punonjës për gjashtë muaj, 48.1 mln lekë për finalizimin e përmbylljen
Shërbimet qeveritare 100 mln lekë për të reflektuar rritjen e pagave
Fondi Rezervë 300 mln lekë për efektet e rritjes së pagave
Buxheti u miratua në Kuvend më 19 nëntor me 75 vota pro, 0 abstenim dhe 40 kundër. Në momentin e votimit ishin prezentë 116 deputetë. Sipas projektbuxhetit do të ofrohen 8.2 miliardë euro që do të shpenzohen në paga, investime, mbrojtje sociale, rindërtimin, interesa borxhi, fonde rezervë, për pushtetin vendor, ndihma ekonomike, kompensime, bujqësia dhe skema të tjera.
Po ashtu jashtë Kuvendit u mblodhën qytetarët për të protestuar ndaj miratimit të buxhetit 2025. Thirrja për protestë u bë nga kreu i Partisë Demokratike Sali Berisha disa ditë më parë për të kundërshtuar miratimin e buxhetit 2025, pasi e quajti këtë “buxheti i vjedhjeve”. /ZËRI
