TIRANË- Një tjetër detaj ka dalë nga dosja e Prokurorisë së Tiranës lidhur me skandalin e zbuluar brenda spitalit Onkologjik të Tiranës. Nga dosja, gazetarja Anila Hoxha ka zbardhur një bisedë mes kryeinfermierit Afrim Ruçi dhe bashkëshortit të një prej pacienteve që kërkon të marrë shërbim. Në bisedë, Ruçi lë të kuptohet se kanë diskutuar edhe më parë lidhur me të njëjtën çështje, por nuk kuptohet nëse i ka dhënë para lidhur me futjen para radhe të bashkëshortes së tij.
Përgjimet, data 01.12.2023:
Qytetari: Afrim përshëndetje, unë jam ai i shoqi asaj B. që diskutonim ato muhabetet. Mos më gjen ndonjë mundësi si t’ia bëjmë sot se unë e kam javore atë kimon, për nder se jam në hall. S’më ndihmon dot me një kështu se ajo e ka javore ia kemi blerë sa qimet e kokës dhe të pres datën 05 unë.
Afrim: Ja të them për pak se jam tek Pediatria me çunin.
Qytetari: Mirë më thuaj se jam gati të nisem direkt.
Përgjime data 4.12.2023
Afrim: He Rudi.
Rudi: Të lutem fut dikë në sistem që t’i bëjë 6 se m’i kërkoi.
Afrim: A t’i bëj nesër më mirë?
Rudi: Jo jo a s’e ke Ketën aty?
Afrim: E mirë mirë hajde se do t’i kërkoj. 6 flakona a?
Rudi: Po 6 flakonë.
Pjesë nga përgjimet, data 5.12.2023
Qytetari: Afrim mirëmëngjesi. Jam ai ushtaraku që kemi komunikuar. Sot kam kimion e babit a kemi ilaç. DOCTOXEL?
Afrim Ruçi: Mgjes.Ok.
/ZËRI
