MALIQ- Një rast i padëgjuar më parë ka ndodhur në Maliq, ku pronari i një stalle ka tentuar të prostituojë nënn e dy fëmijëve, të cilën e kishte punësuar për tu kujdesur për bagëtitë. Gruaja u punësua nga 37-vjeçari bashkë me bashkëshortin e saj, por 37-vjeçari kishte qëllime të tjera për nënn e dy fëmijëve të mitur.
Ata njiheshin edhe më herët pasi 25-vjeçarja kishte qenë viktimë e një trafikimi në Greqi nga dy kushërinjtë e pronarit të stallës. Kështu, 37-vjeçari nisi një lidhje jashtëmartesore me të renë.
Lidhja mes tyre u zbulua nga bashkëshorti i të resë, 34-vjeçari me inicialet D.T.. Ai u përlesh me pronarin e stallës E.H., dhe të dy përfunduan në polici. Bazuar në të gjithë kronologjinë e ngjarjes, autoritetet krijuan bindjen se pronari i stallës kishte për qëllim që ta prostituonte sërish 25-vjeçaren me inicialet A.T.. Krahas procedimit për veprën penale të “dëmtimeve të tjera me dashje”, çështja i ka kaluar për hetime të mëtejshme seksionit të trafiqeve në Dvp Korçë për zbardhjen e plotë të rastit.
