TIRANË- Ish-ministri i Drejtësisë, Ulsi Manja, ka reaguar pas vrasjes së gjyqtarit të Gjykatës së Apelit Tiranë, Astrit Kalaja. Manja e ka cilësuar ngjarjen si një akt barbar dhe një sulm të drejtpërdrejtë ndaj shtetit dhe sistemit të drejtësisë. Në një postim në rrjetet sociale, Manja ka rrëfyer edhe njohjen me gjyqtarin, teksa e konsideron një njeri të fjalës dhe qytetar model. Ish-ministri shpreh ngushëllimet për familjen dhe miqtë e ngushtë për gjyqtarin që nderoi togën e zezë, siç thekson Manja.
Postimi:
Një humbje që trondit drejtësinë!
Sot, dora e krimit u ngrit mbi togën e zezë, duke marrë jetën e gjyqtarit të Gjykatës së Apelit Tiranë, Astrit Kalaja.
E kam njohur dhe kam punuar me të në ditë të vështira për rendin dhe sigurinë në Shkodër (2002–2005) — ai si gjyqtar, unë si prokuror. Astrit Kalaja ishte, me plot kuptimin e fjalës, një familjar dhe qytetar model, një gjyqtar me integritet të lartë dhe shtetar i përgjegjshëm.
Si ish-koleg dhe Kryetar i Komisionit të Ligjeve, e dënoj me forcë këtë akt barbar, që është sulm i drejtpërdrejtë ndaj shtetit dhe drejtësisë shqiptare.
Vrasja e një gjyqtari në detyrë kërkon ndëshkim shembullor dhe duhet të shërbejë si këmbanë alarmi për sigurinë e të gjithë punonjësve të drejtësisë përballë dorës së krimit.
Ngushëllimet më të sinqerta për familjen dhe miqtë e shumtë që Astriti kishte kudo.
U prehtë në paqe njeriu dhe gjyqtari që nderoi togën e zezë!
Visualizza questo post su Instagram
