TIRANË- Biznesmeni Fatmir Bekteshi ka mohuar akuzat e Prokurorisë së Posaçme Kundër Korrupsionit dhe Krimit të Organizuar, e cila e akuzon për "Korrupsion aktiv" dhe "Pastrim parash". Sipas Bekteshit nuk ka asnjë vepër penale të pretenduar nga akuza dhe këtë do e vërtetojë koha.
Fatmir Bekteshi: Unë kam një parim, çfarë do që të ndodhë, dil nga dera kryesore dhe përballu me këdo. Unë e dija që kishte hetim prej 2020. Kam qëndruar këtu të përballem me drejtësinë. S’ka asnjë vepër penale të pretenduar nga akuza dhe këtë do ta vërtetojë koha.
Fatmir Bekteshi akuzohet nga Prokuroria e Posaçme Kundër Korrupsionit dhe Krimit të Organizuar pët "Korrupsion aktiv" dhe "Pastrim parash". Klubi sportiv “Partizani” ishte kompleksi më i rëndësishëm sportiv në pronësi të Ministrisë së Mbrojtjes por kaloi në "duart" e dhëndrit Jamarbër Malltezi. Ky i fundit si trashëgimtar i 140 m2 tokë, arriti të merrte 35 % të sipërfaqes falë një marrëveshje suksesi me trashëgimtarët e tjerë. Si përfundim, qendra më të madhe sportive, me përmasa 26.000 metra katrorë, u pagua vetëm 14.000 euro./Zëri.ai
