TIRANË- Daniel Kaceli dhe Armando Çalleku, 40 dhe 23 vjeç janë vënë në prangat e Policisë së Durrësit këtë të shtunë pasi ishin shpallur në kërkim në kuadër të operacionit policor ‘Tempull 1”. Kaceli dhe Çalleku akuzon për prodhim dhe shitje të lëndëve narkotike. Ata u kapën nga efektivët e forcave “Shqiponja”.
NJOFTIMI I POLICISË:
Vihen në pranga shtetasit Daniel Kaceli dhe Armando Çalleku.
Kapen nga shërbimet e Forcës së Posaçme “Shqiponja” dhe vihen në pranga 2 shtetas të shpallur në kërkim për prodhim dhe shitje të narkotikëve. Si rezultat i veprimeve operacionale të kryera me intensitet nga Policia e Durrësit, në vijim të megaoperacionit “Tempulli 1″, si dhe i hetimeve të ndjekura me metoda proaktive, në bashkëpunim me Prokurorinë e Durrësit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, shërbimet e Forcës së Posaçme “Shqiponja”, në bashkëpunim me specialistët e Seksionit për Hetimin e Narkotikëve të DVP Durrës, kapën dhe ndaluan shtetasit:
D.K., 40 vjeç dhe A. Ç., 23 vjeç, të dy banues në Durrës. Këta shtetas ishin shpallur në kërkim, në kuadër të megaoperacionit “Tempulli 1”, pasi nga hetimet dyshohet se ishin të implikuar në veprimtaritë kriminale të prodhimit dhe shitjes së lëndëve narkotike. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Prodhimi dhe shitja e narkotikëve.”/ZËRI
