DURRËS- Presidenti i klubit të futbollit “Iliria” të Fushë-Krujës, Nazmi Selmani ështëvënë në pranga pasi akuzohet se kërcënuar me mesazh Presidentin e Federatës Shqiptare të Futbollit, Armand Duka. Pas mesazhit, bashkë me katër persona të tjerë që janë vënë në pranga gjithashtu, ata kanë shkuar dhe në banesën e tij në Durrës, sërish për ta kërcënuar.
Pas denoncimit në polici, autoritetet kanë vënë në pranga Presidentin e klubit “Iliria” dhe Redian Locin e Petrit Selmanin sidhe dy djemtë e Presidentit të klubit "Iliria" që janë futbollistë në të njëjtin ekip, Brajan Selmani 20 vjeçdhe Santiago Selmani 22 vjeç.
Dy të tjerët, A.S, 24 vjeç dhe A.S, 39 vjeç, të dy banues në Krujë, janë proceduar në gjendje të lirë. Ende nuk janë zbardhur detaje nga mosmarrëveshja mes tyre që ka sjellë kërcënimin e Dukës. Ajo që është raportuar është se Selmani ka kërkuar favore nga Duka, po nuk ka gjetur dakortësi me këtë të fundit.
