TIRANË- Një efektiv Policisë Rrugore në Tiranë ka humbur jetën në krye të detyrës si pasojë e një arresti kardiak. Oficeri Ilir Budlla, 58 vjeç, po shërbente me shërbimet e Qarkullimit Rrugor kur papritmas pësoi incidentin fatal.
Drejtori i Përgjithshëm i Policisë së Shtetit, Sokol Bizhga, së bashku me drejtorët e departamenteve, Neritan Nallbati dhe Dhimitraq Ziu, vizituan familjen e oficerit, vendosën kurora dhe dorëzuan Certifikatën e Karrierës si nderim për kontributin e tij.
Me një karrierë mbi 33 vjeçare, Ilir Budlla njihej si një punonjës i përkushtuar, korrekt dhe me integritet të lartë profesional, i cili shërbeu me devotshmëri qytetarëve dhe ligjit./ZËRI
Poll
