MALIQ-Një armë zjarri është gjetur në një kanal në fshatin Libonik. Arma e ndryshkur, jofunksionale ishte e mbështjellë me qese plastike. Ajo u dërgua në Institutin e Policisë Shkencore, për ekspertizë.
Por nuk është e para që është gjetur në këtë zonë. Vetëm tre ditë më parë, më 1 prill, Policia njoftoi se në fshatin Libonik, në vendin e quajtur "Pompat", u gjetën 3 armë, përkatësisht 1 kallashnikov dhe 2 pushkë. Nuk dihet ende nëse këto armë janë përdorur në ngjarje kriminale.
Njoftimi i policisë:
Në fshatin Libonik, në vendin e quajtur “Rruga e varrezave”, është gjetur në kanal, e mbështjellë me qese plastike, 1 armë zjarri e ndryshkur, jofunksionale. Arma e zjarrit do të dërgohet në Institutin e Policisë Shkencore, për ekspertizë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ZËRI
