LUSHNJE- Një ngjarje tragjike ka ndodhur në Lushnje, ku një banesë është përfshirë nga flakët gjatë orëve të natës dhe për pasojë ka humbur jetën një i moshuar.
Ngjarja ka ndodhur në fshatin Bubullimë, ku ka marrë flakë një banesë e vjetër në të cilën jetonte çifti i moshuar.
Si pasojë e zjarrit ka ndërruar jetë 82-vjeçari Koli Koçi, ndërsa bashkëshortja e tij ka mbijetuar.
Sipas fqinjëve të viktimës, çifti i moshuar i bashkëshortëve jetonin vetëm prej vitesh dhe nuk kishin mundësi ekonomike as për tu ushqyer.
“Unë pash flakë në orën 2:30-3:00. Jetonin të dy vetëm prej vitesh. Ishte djegur dhoma e tyre. Të shoqen e tij e kishte kapur trau. E kemi tërhequr ne nga trau. Zjarri ka rënë nga korrenti. Ata nuk kishin asgjë, edhe për të veshur unë u jepja rrobat e mia.”
Paraprakisht dyshohet se ka qenë soba e drunjve që ka shkaktuar zjarrin ndërsa grupi hetimor ndodhet në vendin e ngjarjes.
/ZËRI
