MALIQ- Një 28-vjeçare është dhunuar brutalisht nga bashkëshorti i saj në banesën e tyre në Maliq. 31-vjeçari u ndihmua për të dhunuar bashkëshorten e tij, edhe nga babai i i tij i moshuar. Sipas informacioneve të para, burrë e grua kishin nisur një debat verbal. Më pas, bashkëshorti e ka goditur me grushte, bashkëshorten e tij, duke i shkaktuar dëmtime në fytyrë.
Në një moment, të renë e ka dhunuar edhe vjehrri i saj.
NJOFTIMI I POLICISË:
Policia parandaloi përshkallëzimin e një rasti dhune në familje. U arrestua në flagrancë 31- vjeçari dhe u procedua penalisht 59- vjeçari (babai i 31 vjeçarit). Shërbimet e Komisariatit të Policisë Maliq, menjëherë pas njoftimit të marrë, për një rast dhune në familje kanë shkuar menjëherë në adresën e dhënë. Nga veprimet e para rezultoi se shtetasi E. Z., pas një konflikti për motive xhelozie, kishte ushtruar dhunë fizike e psikologjike ndaj bashkëshortes së tij. Po nga veprimet hetimore rezultoi se dhe babai i 31 vjeçarit shtetasi T. Z., ishte përfshire në konflikt dhe kishte ushtruar dhunë ndaj 28 vjeçares (nuses së djalit). Ndërhyrja në kohë e Policisë parandaloi përshkallëzimin e dhunës. Në vijim të veprimeve u arrestua në flagrancë shtetasi E. Z., 31 vjeç, dhe u procedua penalisht babai i tij shtetasi T. Z., 59 vjeç. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme për veprën penale "Dhuna në familje".
Kanë qenë fqinjët e çiftit ata që kanë dëgjuar të bërtiturat e 28-vjeçares dhe menjëherë Policinë, e cila vendosur në pranga 31-vjeçarin. Ky i fundit ka qenë i skeduar më parë edhe nga Policia e Shtetit si përdorues i lëndëve narkotike, ndërsa i ati i tij është proceduar në gjendje të lirë. Ndërkohë që 28-vjeçarja u pajis me urdhër mbrojtje./ZËRI
