TIRANË- Një zjarr ka shpërthyer në një pallat në zonën e Astirit, duke shkaktuar panik tek banorët e zonës. Sipas informacioneve fillestare, zjarri ka nisur nga një paketë elektrike. Për shkak të tymit, banorët kanë pasur vështirësi që të dalin nga banesat e tyre. Por me mbërritjen e shërbimet e zjarrfikësve, të gjithë kanë mundur që të dalin jashtë dhe flakët janë shuar.
Tiranë/Informacion paraprak
Më datë 04.04.2025, rreth orës 14:10, në rrugën “Foto Xhavella”, në katin e parë të një pallati ka marrë flakë gabina e transformatorit. Shërbimet e Policisë ndodhen në vendngjarje dhe po bëjnë evakuimin e banorëve. Ndërkaq nga shërbimet zjarrëfikëset është bërë e mundur fikja e zjarrit. Nuk ka persona të lënduar. Grupi hetimor punon për përcaktimin e shkakut të zjarrit./ZËRI
