FIER-Të shtëna me armë zjarri janë raportuar mbrëmjen e sotme në Fier. Dy persona janë përfshirë në një konflikt të çastit teksa ndodheshin në një lokal, sherr i cili ka degraduat deri në përdorimin e armës. Mësohet se njëri prej tyre shetasi R.Ç 33 vjeç ka qëlluar me armë zjarri në dyshemenë e lokalit.
Fatmirësisht nuk raportohet për të plagosur, ndërsa Policia ka shpallur në kërkim dy personat e përfshirë në konflikt.
Njoftimi i policisë:
Rreth orës 21:30, në një lokal në lagjen "8 Shkurti", dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit.
Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes.
