ORIKUM- Një shpërthim me tritol ka ndodhur gjatë natës pranë një pallati në Orikum. Ngjarja ka ndodhur rreth orës 03:15 në një ngushticë pas një pallati. Fatmirësisht nuk ka persona të lënduar, ndërsa si pasojë e shpërthimit me lëndë plasëse janë dëmtuar dy xhama të pallatit në katin e parë. Grupi hetimor po punon për zbardhjen e rrethanave të ngjarjes dhe identifikimin e autorit/ëve të dyshuar.
Njoftimi i policisë:
Sot, rreth orës 03:15, në qytetin e Orikumit, në një ngushticë pas një pallati, ka shpërthyer një sasi e vogël lënde e dyshuar plasëse, ku si pasojë janë dëmtuar dy xhama të pallatit në katin e parë.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar./ZËRI
