FRANCË-Një grup i organizuar kriminal i angazhuar për pengmarrjen e kreut të një rrjeti shqiptar të trafikimit të drogës është goditur nga Europol. Në pranga janë vendosur 6 persona të trajnuar në nivel të lartë, të cilët ishin të pajisur me mjete profesionale dhe ishin aktivë në emër të një grupi të krimit të organizuar. Shënjestra, kreu shqiptar i një rrjeti të trafiktu të drogës, identiteti i të cilit ende nuk është bërë i ditur, dyshohet se ka orkestruar vjedhjen e disa ton kanabis me vlerë miliona euro.
Operacioni i ndërmarrë më 12 nëntor, synonte një grup mercenarësh të punësuar nga një rrjet kriminal për të rrëmbyer udhëheqësin e një bande rivale të trafikimit të drogës. Operacioni përfshinte autoritete ligjzbatuese nga Danimarka, Franca, Letonia dhe Mbretëria e Bashkuar.
Aksioni është i lidhur me fenomenin 'Dhuna si Shërbim', në të cilin autorët ofrojnë shërbimet e tyre për të kryer akte të dhunshme në emër të sindikatave të tjera kriminale. Në këtë rast, specialistë të trajnuar në nivel të lartë punësohen nga grupet e krimit të organizuar për të kryer akte të dhunshme. Ish-ushtarë të trajnuar në luftime, që kthehen nga fronti, mund të përdorin aftësitë e tyre për krimin e organizuar, duke paraqitur një kërcënim potencial./ZËRI
