DURRËS-Ka përfundar evidentimi i objekteve te prekura nga përmbytjet e fundit në Durrës. 479 ka shkuar numri i familjeve të prekura nga përmbytjet e javës së kaluar. Zonat e dëmtuara janë ish-Këneta, Shkozeti, Plazhi, Sukthi dhe Katundi i Ri.
“Ka përfunduar brenda një kohe shumë të shkurtër procesi i evidentimit të dëmeve në 476 banesa gjithsej. Pasi të kryhet edhe procesi i vlerësimit, të gjitha familjet e dëmtuara do të marrin dëmshpërblimet përkatëse. Jemi në çdo moment në shërbim të qytetarëve të Durrësit”, bën me dije kryebashkiakja e Durrësit, Emiriana Sako.
Faktori kryesor i përmbytjeve në qytetin e Durrësit ka qenë bllokimi i kanaleve të cilat ishin të papastruara. Një plan masash është ndërmarrë autoritetet për të realizuar pastrimin dhe mirëmbajtjen e kanaleve kulluese dhe rrjetit të kanalizimit nëntokësor në Durrës e veçanërisht në zonat më problematike të tij.
Qytetarë të shumtë kanë humbur shtëpitë e tyrë, të cilët kanë apeluar që për shkak të prezencës së ujit dhe dherave, ata kanë qenë të detyruar të dalin nga banesat./ZËRI
