TIRANË- Këshilli i ri Drejtues i Radio Televizionit Shqiptar zhvilloi mbledhjen e parë ditën e sotme. Mbledhja u drejtua nga kryetari i sapozgjedhur Fatjon Hoxhalli, po ashtu të pranishëm ishin të gjithë anëtarët e tjerë që u votuan në seancën plenare më 17 mars. Në mbledhje u diskutua dhe anëtarët ranë dakord për pikat e rendit të ditës.
Gjithashtu, Këshilli Drejtues u njoh me të aktet parlamentit për mandatin e gjithësecilit, dhe u votua për nënkryetarin e ri. Petrit Beci u zgjodh me 10 vota pro zëvendëskryetar i Këshillit Drejtues të RTSH-së.
Gjatë mbledhjes u diskutua edhe për pjesëmarrjen e Shqipërisë në Festivalin Evropian të Këngës më 13-17 maj në Bazel, Zvicër, ku anëtarët ranë dakord tëe zhvillojnë një mbledhje tjetër gjzatë kësaj jave. Vendi ynë do të përfaqësohet nga grupi “Shkodra Elektronike” me këngën “Zjerm”, e cila ishte edhe fituesja e Festivalit 63 të Këngës në RTSH. Këshilli Drejtues propozoi ngritjen e grupit të punës për të hartuar procedurën e standardizuar për përzgjedhjen e Drejtorit të Përgjithshëm sipas përcaktimit ligjor të Statutit të RTSH-së./ZËRI
