TIRANË- Ish-kryebashkiaku i Shkodrës, dhe njëherësh ish-deputeti i Partisë Demokratike, Bardh Spahia, është paraqitur mëngjesin e kësaj të mërkure në ambientet e SPAK, i shoqëruar dhe nga avokati i tij.
Spahia qëndroi për rreth 30 minuta në Prokurorinë e Posaçme, ndërsa nuk preferoi të jepte asnjë koment mbi arsyet e thirrjes së tij para hetuesve.
'S'ka asgjë që mund të ketë interes publik", tha Spahia për gazetarët.
Burime bëjnë me dije për ZËRI-n se thirrja e Spahisë në SPAK lidhet me një padi të dorëzuar ndaj tij për shpërdorim detyre në Prokurorinë e Shkodrës. Pasi kjo e fundit ka shpallur moskompetencën, çështja i ka kaluar SPAK, që merret me hetimin e zyrtarëve dhe ish-zyrtarëve të lartë.
Spahia la mandatin e deputetit në Kuvend, në zgjedhjet e pjeshme lokale që u mbajtën në vitin 2022 në Shkodër, të cilat u fituan prej tij. Një vit me vonë ai humbi garën e 14 Majit, përballë Benet Becit, duke ndërprerë në këtë mënyrë përkohësisht edhe rrugëtimin e tij politik. Aktualisht, ai është pjesë e strukturave të Partisë Demokratike, ndërsa pritet për t’u parë nëse do të garojë për deputet në zgjedhjet e ardhshme parlamentare./ZËRI
