TIRANË- Një aksident me pasojë vdekjen është regjistruar pasditen e sotme në Bathore. Blutë e kryeqytetit bëjnë me dije se një 40-vjeçar ka përplasur për vdekje me automjetin e tij një kombësore. Për pasojë, 65-vjeçarja ka humbur jetën në spital, pasi nuk ka arritur t'u mbijetojë plagëve të marra. Ndërkohë, drejtuesi i automjetit është shoqëruar në Komisariat për veprime të mëtejshme procedurale, ndërsa grupi hetimor po punon për zbardhjen e rrethanave të aksidentit.
Njoftimi:
Tiranë/Informacion paraprak
Më datë 05.02.2026, rreth orës 16:30, në Bathore, automjeti me drejtues shtetasin E. B., rreth 40 vjeç, ka përplasur këmbësoren shtetasen Sh. Sh., rreth 65 vjeçe, e cila për pasojë ka humbur jetën në spital.
Drejtuesi i automjetit u shoqërua në Komisariat për veprime të metejshme procedurale.
Grupi hetimor vijon punën për sqarimin e rrethanave të aksidentit.
